Mi språkhistorie

Hei!

No har vi gått gjennom kapittelet Gjennom orda grip vi verda i norsk. Det gjekk ut på å lære om korleis språket vårt er blitt som det er i dag. Oppgåva vi fekk var at vi skulle lage ein Glogster med språkhistoria vår og presentere det etterpå. Ein del av oppgåva var å bli kjent med verktøyet Glogster.com.

Her er min aller første Glogster om språkhistoria mi:

Nora Gulbrandsen

No har vi jobba med mellomkrigstida, norsk kunst, norsk arkitektur, norsk og nordisk design, og kunsthandtverk. Difor skal eg no skrive litt om eitt av verka til den norske design og kunsthandtverkaren Nora Gulbrandsen.


Eg har valt denne porselensmugga som vart laga i 1935.

Denne mugga har ei rund kuleform, med hank og eit nebb. Forma er veldig funksjonell med tanke på at det er fullt mogleg å bruke den, og den verker ikkje ubehageleg å halde i heller.

Estetikken ser veldig godt utført ut. Mugga er dekorert med både lyse og mørke grønfargar som passar godt ilag. Det er kontrastar med både kantete og runde linjer, og likevel vert det ein god flyt i mugga.
Alt dette gjer at mugga er veldig fin og kan brukast i både gamle og moderne hus.

Kong Lear

Onsdag 29. januar var klassen min i Bergen for å se teaterstykket Kong Lear av Shakespear.

Teaterstykket var veldig modernisert der vi som publikum fikk lov til å bestemme mykje av det som skulle skje. Det einaste som var fast ved stykket var replikkane. Vi fikk altså lov til å bestemme kor ting skulle stå, kva skodespelarane skulle ha på seg og kva ting dei skulle bruke undervegs i teaterstykket.

Eg synst at det var veldig vanskeleg å følgje med på alt som skjedde. For det første brukte dei eit gamaldags språk som var vanskeleg å forstå, og for det andre var det veldig rotete då det skjedde mykje på forskjellige stader på kort tid. Plutseleg skjedde det noko ein plass i rommet, og rett etterpå skjedde det noko heilt anna på andre sida av rommet. Forvirrande.

Skodespelarane var veldig flinke til å improvisere. Dei fikk tilfeldige ting inn på "scenen" og klarte å bruke dei heilt fint. Dei klarte også å tilpasse rollane sine etter kostyma dei fikk og kvar ting stod i rommet. Imponerande!

Det siste som var ganske bra med teaterstykket var at det var ganske morosamt. Dei hadde ganske morosame replikkar av og til, og dei gjorde ting som var ganske gøy å se på. For eksempel så var det to menn som hoppa og sprang rundt i rommet og dansa som ballerinaer. Det var veldig morosamt!

Eg vil gje dette teaterstykket terningkast 3/4. Grunnen til dette er at det var veldig vanskeleg å forstå kva dei sa og kva som skjedde, men det at det var morosamt gjorde at det blei mykje betre å se på. Alt i alt ei heilt grei teaterforestilling.

 Som dykk ser var "scena" ein gymsal.